ჯოშუა ტუისოვამ კლერმონს შავი დღე აყარა - ფიჯელი ვარსკვლავის მორიგი შოუ ტოპ 14-ში (VIDEO)

ტოპ 14-ის 22-ე ტურში "ლიონი" "სტად ჟერლანზე" "კლერმონს" დაუხვდა და 41:30 დაამარცხა.

"ვულკანების" დამარცხებაში უდიდესი წვლილი შეიტანა ფიჯელმა ვარსკვლავმა ჯოშუა ტუისოვამ, რომელმაც გარდა იმისა, რომ მოწინააღმდეგე ორჯერ დაალელოვა, 4-ჯერ ხაზის გაჭრა სუფთად მოახერხა, ბურთი 8-ჯერ წაიღო და 138 მეტრი მოიგო, მცველების გაბითურება 10-ჯერ შეძლო, 3 პასი, 1 ოფლოუდი და 2 ღლეტვა გაახერხა.

ტუისოვას განსაკუთრებული ლელო პირველი გამოუვიდა, რომელიც მის ბრწყინვალე 50-მეტრიან გარღვევას მოჰყვა.

იხილეთ ტუისოვას ორივე ლელო "კლერმონთან" მატჩში.