ყოჩებმა ლოკომოტივი ბონუსით დაამარცხა და ორი პოზიციით წინ წაიწია

© ანი რეხვიაშვილი

დიდი 10-ის ზედა ექვსეულის ბოლოსწინა ტურში "ლოკომოტივი" ავჭალის სტადიონზე "ყოჩებს" დაუხვდა და უხვქულიან მატჩში დამარცხდა.

"ყოჩებმა" მოწინააღმდეგეს ექვსი ლელო დაუდო. საჯარიმო ლელოს გარდა, დუბლი გაიფორმა ირაკლი გეგენავამ, ხოლო თითო ლელო თემურ ჭიჭინაძემ, ნიკოლოზ რეხვიაშვილმა და კოტე მარჯანიშვილმა დადეს, რომელთაგან მხოლოდ ერთის გარდასახვა მოახერხეს. "ლოკომოტივის" მხრიდან დუბლი შეასრულა გიორგი ბებიაშვილმა, ერთი ლელო კი გიორგი გეგიას ანგარიშზეა - 24:34. მატჩის საუკეთესო მორაგბედ "ყოჩების" მგეზავი ლაშა მალაღურაძე დასახელდა. 

ამრიგად, "ყოჩებმა" ბონუსით იმარჯვა, დააგროვა 16 ქულა და მეექვსედან მეოთხე პოზიციაზე გადაინაცვლა, ხოლო "ლოკომოტივს" 13 ქულა დარჩა და ზედა ექვსეულში ბოლო ადგილზე დაქვეითდა.