როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
სამხრეთ აფრიკაში კორონავირუსთან დაკავშირებით არსებული შეზღუდვების გამო, პრო 14-ის ცისარტყელას თასი დაგეგმილი ფორმატით ვეღარ ჩატარდება.
როგორც იცით, პანდემიის დაწყების შემდეგ სამხრეთაფრიკული ფრენჩაიზები სუპერ რაგბიდან გამოვიდნენ და გინეს პრო 14-ს შეუერთდნენ. იქიდან გამომდინარე, რომ მიმდინარე სეზონში აფრიკელთა ჩართვა თავიდან ვერ ხერხდებოდა, ორგანიზაციის ხელმძღვანელობამ მიიღო გადაწყვეტილება, რომ პრო 14 შეკვეცილი ფორმატით ჩატარებულიყო, ხოლო აპრილის მეორე ნახევარში პრო 14-ის ეგიდით ერთჯერადი "ცისარტყელას თასი" გამართულიყო, რომელშიც სამხრეთაფრიკული გუნდებიც მიიღებდნენ მონაწილეობას.
იქიდან გამომდინარე, რომ სამხრეთ აფრიკაში კვლავ მძიმე ეპიდემიოლოგიური ვითარებაა და მკაცრი შეზღუდვები არსებობს, აფრიკული ფრენჩაიზების ჩრდილოეთში გამგზავრება და ევროპულ გუნდებთან თამაში შეუძლებელი გახდა, რის გამოც ტურნირის თავდაპირველი ფორმატიც შეიცვალა და გათამაშება ორ, ევროპულ და აფრიკულ ნაწილებად გაიყო.
შესაბამისად, 12 ევროპული გუნდი, რომლებიც პრო 14-ის ტრადიციული ბინადრები არიან, ერთმანეთში ითამაშებენ, ხოლო ახალი წევრები, ოთხი სამხრეთაფრიკული ფრენჩაიზი "შარქსი", "ლაიონსი", "სტორმერსი" და "ბულზი" ცალკე იასპარეზებენ და ერთმანეთთან თამაშით ბრიტანელი და ირლანდიელი ლომების ტურნესთვის მოემზადებიან, რომელიც ივლის-აგვისტოში სამხრეთ აფრიკაში უნდა გაიმართოს.
ტურნირის ორგანიზატორების და სამხრეთ აფრიკის რაგბის კავშირის გენერალური დირექტორის ჯური რუს თქმით, ეს ოპტიმალური გადაწყვეტილება არაა, თუმცა ამ ეტაპისთვის არსებული შეზღუდვებიდან გამომდინარე, ერთადერთი სწორი გამოსავალი იყო. მხარეებმა განაცხადეს, რომ ეს ყველაფერი გრძელვადიან თანამშრომლობაში ხელს არ შეუშლით და 2021/2022 წლების სეზონიდან აფრიკული გუნდები სრულუფლებიანი წევრები გახდებიან პრო 14-ის და ჩემპიონატში მონაწილეობას მიიღებენ.
"ცისარტყელას თასის" ახალი ფორმატი უახლოეს დღეებში გამოქვეყნდება.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.