საკუთარი 22-დან სდია, ბურთს დაეწია და ლელოში დაამიწა - სტიუარტ ჰოგის საოცარი ლელო (VIDEO)

ინგლისის ჩემპიონატის მე-16 ტურში "ექსეტერ ჩიფსი" საკუთარ მოედანზე "უოსპსს" დაუხვდა და 43:13 დაამარცხა.

მასპინძელთა რიგებიდან დუბლი გაიფორმა შოტლანდიის ნაკრების ვარსკვლავმა სტიუარტ ჰოგმა, რომელმაც მოწინააღმდეგე 49-ე და 77-ე წუთებზე დაალელოვა. განსაკუთრებული ყურადღება კი ჰოგის მეორე ლელომ მიიპყრო. მან საკუთარი 22-დან ფეხით ძლიერად დაარტყა, რომელიც მოწინააღმდეგის 22-ში შევიდა, ამ ბურთს სტიუარტმა თავადვე სდია, ყველა ოპონენტს გაასწრო, შემდეგ კი ფეხი მიარტყა და ლელოში დამიწება მოახერხა. ჰოგის ეს საოცარი ლელო უმალ გავრცელდა სოციალურ ქსელებში და ფანების აღფრთოვანება გამოიწვია.