არესმა ვეფხვები დიდი სხვაობით დაამარცხა და დიდ 10-ში დარჩენისთვის მნიშვნელოვანი ნაბიჯი გადადგა

© გიორგი კილაძე

დიდი 10-ის მეორე ეტაპის ქვედა ექვსეულის მეოთხე ტურში "არესი" "აია არენაზე" "ვეფხვებს" დაუხვდა და დიდი ანგარიშით 52:5 დაამარცხა.

"არესმა" მეტოქე რვაჯერ დაალელოვა, თავად კი ერთი ლელო გაუშვა. ჰეთ-თრიკი გაიფორმეს მესამეხაზელმა ბადრი დანგაძემ და ფრთამ ამირან შვანგირაძემ, ხოლო თითო გიორგი ტორაძემ და ბებუნი კუხიანიძემ დადეს. პატარძეულელთაგან პრესტიჟის ლელო ვანო გელაშვილმა მიითვალა. მატჩის საუკეთესო მორაგბედ შვანგირაძე დასახელდა.

ქუთაისელებმა 24 ქულა დააგროვეს და ქვედა ექვსეულის ლიდერ "ხარებს" ქულით ჩამორჩებიან, ხოლო "არმაზს" ექვსი, "ლელო სარასენსს" კი რვა ქულით უსწრებენ. "ვეფხვებმა" კი ამ მარცხით ფაქტობრივად პირველი ლიგის საგზური გაიფორმა.