ნიკოლოზ ხატიაშვილის ბრწყინვალე თამაში შერკინებაში სან დიეგოს წინააღმდეგ (VIDEO)

© Dave Snook

აშშ-ის ჩემპიონატის მეოთხე ტურში "ჰიუსტონ საბერსქეთი" საკუთარ მოედანზე "სან დიეგოს" დაუხვდა და უაღრესად დაძაბულ ბრძოლაში 34:32 აჯობა.

"ჰიუსტონის" ძირითად შემადგენლობაში გახლდათ ნიკოლოზ ხატიაშვილი, რომელმაც თამაში მარცხენა ბურჯის პოზიციაზე დაიწყო, მეორე ნახევარში კი ასპარეზობა მარჯვენა ბურჯის ამპლუაში განაგრძო და მინდორზე 80 წუთი გაატარა, რაც ბურჯისთვის იშვიათი შემთხვევაა. 28 წლის ხატიაშვილმა ბრწყინვალე შეხვედრა ჩაატარა და შესანიშნავად იასპარეზა, როგორც სტატიკაში, ასევე ღია თამაშში. ნიკამ მოწინააღმდეგე შერკინების სტატიკაში პირწმინდად დაჩაგრა და არაერთხელ დააჯარიმა, რითაც საკუთარი გუნდის გამარჯვებაში დიდი წვლილი შეიტანა, რადგან "ჰიუსტონის" რამდენიმე შედეგიანი შეტევა სწორედ შერკინებებში დომინირებას მოჰყვა. 

რაც შეეხება უშუალოდ შეხვედრას, "ჰიუსტონი" ბოლო წუთამდე შვიდქულიანი სხვაობით იგებდა, თუმცა გაწითლებულ დროში ლელო გაუშვა და სტუმრებს მატჩის გადარჩენის რეალური შანსი ჰქონდათ, მაგრამ გარდასახვის გატანა ვერ მოახერხეს და მასპინძლებმა ორქულიანი სხვაობით იმარჯვეს.

"ჰიუსტონს" ოთხი მატჩიდან ორი მოგება და ორი მარცხი აქვს. ისინი დასავლეთ კონფერენციაში 9 ქულით მეოთხე ადგილზე იმყოფებიან. 

იხილეთ ყველა შერკინება ზემოხსენებული მატჩიდან.