ირაკლი ნატრიაშვილის ბრწყინვალე თამაში არესის წინააღმდეგ - 30-მეტრიანი გარღვევა და ლელო (VIDEO)

© ბადრი კეთილაძე

დიდი 10-ის ქვედა ექვსეულის მესამე ტურში "არესი" ქუთაისში "ხარებს" დაუხვდა და დაძაბულ ბრძოლაში 20:15 სძლია.

რუსთაველთა რიგებიდან შესანიშნავი შეხვედრა ჩაატარა ვეტერანმა "ბორჯღალოსანმა" ირაკლი ნატრიაშვილმა. 37 წლის კვაჭმა 21-ე წუთზე მოლიდან მოხსნა ბურთი და მოწინააღმდეგის ლელოში მარტივად შევიდა ბურთის დასამიწებლად, ხოლო 37-ე წუთზე საკუთარი გუნდის შეტევა თავისი ლელოდან დაახლოებით 10 მეტრის მოშორებით წამოიწყო, ბრწყინვალე ფინტებით დაახლოებით 30 მეტრი გაირბინა და ზუსტი გადაცემა გააკეთა, მისმა გუნდელებმა შეტევა სათანადოდ განაგრძეს, რომელიც საბოლოოდ ვაჟა ხუციშვილის ლელოთი დასრულდა.

შეგახსენებთ, რომ ნატრიაშვილს 2006-2015 წლებში საქართველოს ნაკრების კვართით 40-ჯერ უთამაშია და 4 ლელოს გატანა მოახერხა. ის სხვადასხვა პერიოდში "ბრივში", "ტულონში" და "კლერმონში" თამაშობდა.