დიდი 10: არესმა ხარები დაამარცხა და ქვედა ექვსეულში მეორე ადგილი შეინარჩუნა

© ბადრი კეთილაძე

დიდი 10-ის ქვედა ექვსეულის მესამე ტურში "არესი" ქუთაისში "ხარებს" დაუხვდა და დაძაბულ ბრძოლაში 20:15 სძლია.

"არესი" მატჩის დებიუტში ბადრი დანგაძის ლელოთი დაწინაურდა, რომელიც ბონდო აბაშიძემ გარდასახა. 21-ე წუთზე "ხარებმა" წონასწორობა აღადგინა და ამის გაკეთება ლელოთი ვეტერანმა "ბორჯღალოსანმა" ირაკლი ნატრიაშვილა შეძლო, რომელიც ვაჟა ხუციშვილ გარდასახა, მან 37-ე წუთზე ლელოც დადო, გაწითებულ დროში კი ჯარიმა გაიტანა და ტაიმი 7:15 დასრულდა.

მეორე ნახევარში რუსთაველებმა ქულა ვეღარ მოიპოვეს. სამაგიეროდ, ამის გაკეთება მასპინძლებმა მოახერხეს: 44-ე წუთზე ბადრი დანგაძემ დადო ლელო, გარდასახვა კი აბაშიძემ გაიტანა, რომელმაც მალევე კიდევ ერთი ჯარიმა გაიტანა, 71-ე წუთზე კი ჯარიმა შეცვლაზე შემოსულმა დავით გობეჯიშვილმა შეასრულა ზუსტად და საბოლოო ანგარიში დააფიქსირა. 

"ხარებმა" ნუგეშის ქულა აიღო და 24 ქულით ქვედა ექვსეულის ლიდერია, ხოლო "არესი" 18 ქულით მეორე ადგილზეა.