დიდი 10: აიამ გასვლაზე აკადემია დაამარცხა და გალიდერდა

© მარიამ გაგნიძე

დიდი 10-ის მეორე ეტაპის ზედა ექვსეულის მეორე ტურის ცენტრალურ მატჩში "აკადემია" "რაგბი პლატოზე" "აიას" დაუხვდა და 9:23 დამარცხდა.

პირველი ნახევარი თანაბარი გამოდგა. მასპინძელთაგან სანდრო მარგიანმა სამი ჯარიმა შეასრულა ზუსტად, ხოლო ქუთაისელთაგან ლელო ლაშა ლომიძემ დადო, ერთი ჯარიმა კი გიორგი ბაბუნაშვილმა გაიტანა და ტაიმი "მხატვრების" სასარგებლოდ 9:8 დასრულდა.

მეორე ნახევარში კი ქუთაისელებმა აშკარა უპირატესობა მოიპოვეს და მოწინააღმდეგეს ორი უპასუხო ლელო და ერთი ჯარიმა გაუტანეს. ლელოები მატჩი საუკეთესო მორაგბემ ირაკლი სიმსივემ და პეტრე ჯინჭარაძემ დადეს, თითო გარდასახვა და ჯარიმა ბაბუნაშვილმა შეასრულა ზუსტად და მატჩი 9:23 დასრულდა.

"აიამ" 18 ქულა დააგროვა და გალიდერდა, ხოლო "აკადემიამ" ზედიზედ მეორე მატჩი წააგო და 14 ქულით მესამე პოზიციაზე ჩამოქვეითდა.