ჟორჟი სალდაძის წითელი ბარათი რუანთან მატჩში (VIDEO)

პარასკევს ფრანგული პრო დ2-ის 25-ე ტურის შეხვედრები გაიმართა, მათ შორის "ბეზიემ" საკუთარ მოედანზე "რუანს" უმასპინძლა და 23:25 დამარცხდა.

მასპინძელთა ძირითად შემადგენლობაში იყო მარცხენა ბურჯი ჟორჟი სალდაძე, სამწუხაროდ ქართველმა მორაგბემ პირველივე წუთზე მეტოქისთვის გაკეთებული მაღალი ბოჭვის გამო, წითელი ბარათი მიიღო. რაც შეეხება სხვა ქართველ ლეგიონერებს, სტუმართა შორის მატჩი ძირითად შემადგენლობაში კარლენ ასიეშვილმა და თამაზ მჭედლიძემ ჩაატარეს, ისინი მწვრთნელმა 66-ე და 64-ე წუთზე გამოცვალა, თუმცა თანადგუნდელის  ტრავმის გამო, მჭედლიძეს 2 წუთში უკან დაბრუნება და შეხვედრის ბოლომდე ჩატრება მოუწია.