2021 წლის 6 ერის საუკეთესო მორაგბის ვინაობა ცნობილია

2021 წლის 6 ერის საუკეთესო მორაგბედ შოტლანდიის ნაკრების მესამეხაზელი ჰემიშ უოტსონი დასახელდა. 

ტურნირის საუკეთესო მორაგბის ვინაობა გულშემატკივრებმა გამოავლინეს და "ედინბურგის" ვარსკვლავმა ხმების 35% ანუ 125 000 ხმაზე მეტი მიიღო. მან გამოკითხვაში ისეთ მორაგბეებს აჯობა, როგორებიც არიან: ანტუან დუპონი, ლუის რის-ზემიტი, ტაულუპე ფალეტაუ, რობი ჰენშოუ და ტად ბეირნი. 

უოტსონმა განვლილ ტურნირზე ხუთივე შეხვედრა ჩაატარა და დაისვენა მხოლოდ 14 წუთი. მან ხუთ მატჩში თითო ლელო და სალელოვე გადაცემა მიითვალა. გარდა ამისა, ბურთი 67-ჯერ წაიღო, 321 მეტრი მოიგო და შეასრულა 55 ზუსტი ბოჭვა.

ამრიგად, უოტსონი მეორე შოტლანდიელი მორაგბე გახდა, რომელიც 6 ერის წლის საუკეთესო მოთამაშედ დასახელდა. აღნიშნული პატივი "ნარშავებიდან" 2016 და 2017 წლებში სტიუარტ ჰოგს ერგო.