10 ლელო და 71 ქულა - პორტუგალიამ ესპანეთი უხვქულიან მატჩში დაამარცხა (VIDEO)

© Rugby Photos by Luís Cabelo

რაგბი ევროპის ჩემპიონატის მეოთხე რაუნდში პორტუგალიის ნაკრები ლისაბონში ესპანეთს დაუხვდა და უხვქულიან მატჩში, რომელშიც 10 ლელო გავიდა, 43:28 სძლია.

პირველი ტაიმი 14:21 დასრულდა. მეორე ნახევრის დებიუტიში პორტუგალიელებმა გარდასახული ლელო დადეს, 49-ე წუთზე კი ესპანელებს უხეშობისთვის ბაუტისტა წითელი ბარათით გაუძევეს და ამის შემდეგ, სათამაშო უპირატესობა მთლიანად პორტუგალიელთა ხელში გადავიდა. აღსანიშნავია, რომ ესპანეთმა ზედიზედ მეორე მატჩში მიიღო წითელი ბარათი.

პორტუგალიამ კი რიცხობრივი უპირატესობით ძალიან კარგად ისარგებლა და დარჩენილ დროში სამი ლელო დადო, თავად კი ერთი მიიღო და მიმდინარე ტურნირზე პირველი გამარჯვება მოიპოვა. "მგლები" 5 ქულით მესამე ადგილზე იმყოფებიან, ხოლო ესპანეთს სამი მარცხი აქვს და ორი ბონუს ქულით ბოლო ადგილზეა.