უელსი 2021 წლის 6 ერის ჩემპიონია!

უელსის ნაკრები 2021 წლის 6 ერის გამარჯვებულია! 

"დრაკონებმა" წლევანდელ ტურნირზე 4 მატჩი მოიგეს და ბოლო ტურში საფრანგეთის წინააღმდეგ გაწითლებულ დროში გაშვებული ლელოთი 30:32 დამარცხდნენ, რითაც საკუთარ ჩემპიონობას გარკვეული საფრთხე შეუქმნეს. იმ შემთხვევაში, თუ საფრანგეთი გადადებულ მატჩში შინ შოტლანდიას ბონუსით და 21 ქულით მოუგებდა, მაშინ ჩემპიონი სწორედ "ლე ბლე" გახდებოდა, მაგრამ ფრანგები ტიტულთან ოდნავაც არ ყოფილან ახლოს, რადგან შოტლანდიელებთან გადამწყვეტი მატჩი ქულა-ქულაში მიდიოდა და თუ უელსთან გაწითლებულ დროში იმარჯვა, ამჯერად პირიქით, 80 წუთის ამოწურვის შემდეგ გაუშვა ლელო და დამარცხდა. შესაბამისად, ტიტული უელსს დარჩა. 

უელსის ნაკრებმა ამ ტურნირზე 28-ე საჩემპიონო ტიტული მოიპოვა. "დრაკონები" 22-ჯერ იქამდე გახდნენ ჩემპიონები, სანამ გათამაშებას იტალია დაემატებოდა და 6 ერის ფორმატს შეიძენდა. 2000 წლიდან მოყოლებული, რაც ტურნირს "აძური" შეემატა, უელსმა ტიტულის მოპოვება 2005, 2008, 2012, 2013, 2019 და 2021 წლებში მოახერხა, აქედან ოთხ შემთხვევაში კი დიდი სლემით იმარჯვა.