როგორ გამოიყურება საუკეთესო მექულეთა სია დიდი 10-ის პირველი ეტაპის შემდეგ?

26 მარტს დიდი 10-ის მეორე ეტაპის აიღებს სტარტს, რომელიც ზედა და ქვედა ექვსეულად იქნება დაყოფილი. საუკეთესო ექვსი გუნდი ჩემპიონობისთვის განაგრძობს ბრძოლას, ხოლო ქვედა ექვსი გუნდი ელიტაში დასარჩენად იბრძოლებს - იხილეთ ვრცლად. 

პირველ ეტაპზე თითოეულმა გუნდმა ათი შეხვედრა გამართა. საინტერესოა, თუ როგორ გამოიყურება საუკეთესო მექულეთა სტატისტიკა მეორე ეტაპის დაწყების წინ. 

დიდი 10-ის საუკეთესო მექულე პირველი ეტაპის დასრულების შემდეგ "აკადემიის" მგეზავი/ფულბექი დავით მოძღვრიშვილია, რომლის ანგარიშზე 97 ქულაა. მას ორ-ორი ქულით ჩამორჩებიან "იუნკერების" კაპიტანი რამაზ ხარაზიშვილი და "ბათუმის" გამოცდილი უკანახაზელი მამუკა ნინიძე, 94 ქულა აქვს გატანილი "არმაზის" დამრტყმელ რევაზ ჯინჭველაშვილს, ხოლო მეხუთე ადგილზე "აიას" მგეზავი გიორგი ბაბუნაშვილია, რომელმაც 92 ქულას მოუყარა თავი.

დიდი 10-ის მოწინავე მექულეთა მონაგარი ასე გამოიყურება:

1. დავით მოძღვრიშვილი ("აკადემია") - 97 ქულა
2-3. რამაზ ხარაზიშვილი ("იუნკერები") - 95 ქულა
2-3. მამუკა ნინიძე ("ბათუმი") - 95 ქულა
4. რევაზ ჯინჭველაშვილი ("არმაზი") - 94 ქულა
5. გიორგი ბაბუნაშვილი ("აია") - 92 ქულა
6. ბექა წიკლაური ("ლოკომოტივი") - 82 ქულა
7. ბონდო აბაშიძე ("არესი") - 66 ქულა
8. ნიკა ბეჟუაშვილი ("ვეფხვები") - 57 ქულა
9. ვაჟა ხუციშვილი ("ხარები") - 49 ქულა
10. თეიმურაზ სოხაძე ("ყოჩები") - 44 ქულა
11. საბა ნიკოლავა ("ჯიქი") - 37 ქულა
12. დიტო კალანდაძე ("ლელო სარასენსი") - 33 ქულა
მამუკა ნინიძე