პირველი ლიგა: წყალტუბომ უშუალო კონკურენტი დაამარცხა და ქვედა ექვსეულში გალიდერდა (+VIDEO)

შაბათ-კვირას პირველი ლიგის ქვედა ექვსეულის მესამე ტურის მატჩები გაიმართა. 

ცენტრალური შეხვედრა "აია არენაზე" გაიმართა, სადაც წყალტუბოს "დინოზავრმა" უშუალო კონკურენტი "ბაგრატი" დაძაბულ ბრძოლაში 13:3 დაამარცხა და პირველ ლიგაში გალიდერდა. წყალტუბოელებმა ქუთაისელებს ორი ქულით გადაუსწრეს.

ჭიათურის "იმერეთმა" შინ თბილისის "ივერიას" 18:16 სძლია, რითაც სტუმარ გუნდს პირველ ადგილზე გასვლის შანსი ფაქტობრივად დააკარგვინა. რაც შეეხება მესამე მატჩს, აუტსაიდერების დაპირისპირებაში ბოლო ადგილოსანი "დევები" ავჭალაში "დინამოსთან" 10:43 დამარცხდა.

როგორც იცით, ქვედა ექვსეულის ხუთი გუნდი პირდაპირ ვარდება რეგიონულ ლიგაში, ხოლო ლიდერი გუნდი მესამე დივიზიონის მეორე ადგილოსანს პლეი-აუტში ეთამაშება და ორმატჩიან დუელში გამარჯვებული 2021/2022 წლების პირველ ლიგაში იასპარეზებს.