ბრწყინვალე სერია გრძელდება - ბორჯღალოსნებმა რუსეთი ზედიზედ მეოცედ დაამარცხეს

როგორც იცით, დღეს რაგბი ევროპის ჩემპიონატის მესამე რაუნდის მატჩში რუსეთის ნაკრები კალინინგრადში საქართველოს დაუხვდა და უშანსოდ 6:23 დამარცხდა.

ეს ნაკრებები ერთმანეთს 25-ედ დაუპირისპირდნენ და "ბორჯღალოსნებმა" 23-ე გამარჯვება იზეიმეს. და რაც ყველაზე მეტად აღსანიშნავია, ზედიზედ მოგებული მატჩების რიცხვი დამრგვალდა და 20-მდე გაიზარდა. 

"დათვებმა" საქართველოსთან ერთადერთი მატჩი შორეულ 1993 წელს სოპოტში (პოლონეთი) მოიგეს, როდესაც ეს ორი გუნდი პირველად შეხვდა ერთმანეთს. 2002 წელს გამართული რკენა ფრედ დასრულდა, ხოლო ყველა სხვა მატჩში "ბორჯღალოსნებმა" იმარჯვეს. საქართველომ რუსეთს ყველაზე დიდი სხვაობით 2012 წელს "მიხეილ მესხზე" სძლია - 46:0.