ვანო კარკაძემ ბრივთან კონტრაქტი გაახანგრძლივა და რვათვიანი პაუზის შემდეგ, მოედანს უბრუნდება

საქართველოს ნაკრების ახალგაზრდა კვაჭ ვანო კარკაძეზე ორი ამბავი გვაქვს და ორივე კარგი: 1) რვათვიანი პაუზის შემდეგ დღეს მოედანს უბრუნდება და ესპუარების ჩემპიონატის მე-13 ტურში "პერპინიანის" წინააღმდეგ შეცვლიდან ითამაშებს; 2) მან "ბრივთან" კონტრაქტი ერთი წლით გაახანგრძლივა და ტოპ 14-ის კლუბის ღირსებას მინიმუმ 2022 წლის ივნისის ბოლომდე დაიცავს.

20 წლის კვაჭმა აგვისტოს დასაწყისში "ბრივის" ერთ-ერთ ვარჯიშზე ჯვარედინი მყესები გაიწყვიტა, ოპერაცია ჩაუტარდა და მას შემდეგ სარეაბილიტაციო პროცესს გადიოდა. 

კარკაძე "ბრივს" 2019 წელს "ორიაკიდან" შეუერთდა და 5 მატჩში მიიღო მონაწილება. მან საქართველოს ნაკრებში 6 კეპი მოხვეჭა მოასწრო და 1 ლელო დადო. ვანომ 2019 წლის მსოფლიო თასზე და 2019 წლის მსოფლიოს 20-წლამდელთა ჩემპიონატზე მიიღო მონაწილეობა.