ლელო სარასენსის და საქართველოს XV-ის ყოფილი მორაგბე გიორგი ლომთაძე 27 წლის ასაკში გარდაიცვალა

ცოტა ხნის წინ, ქართულ მედია და სოციალურ სივრცეში ტრაგიკული ინფორმაცია გავრცელდა - "ლელო სარასენსის" და საქართველოს XV-ის (მზარდი საქართველოს) ყოფილი მორაგბე გიორგი ლომთაძე 27 წლის ასაკში გარდაიცვალა. 

ლომთაძე გუშინ ღამით აშშ-ში გარდაიცვალა, სადაც ბოლო პერიოდში ცხოვრობდა. ჯერჯერობით უცნობია, თუ რამ გამოიწვია ეს ტრაგედია. 

27 წლის მორაგბეს საქართველოს ყველა ასაკობრივ ნაკრებში ჰქონდა ნათამაშები. მას გარკვეული მიზეზების გამო რაგბისთვის თავის დანებება მოუწია და საქართველოში ყოფნის ბოლო პერიოდში "ლელო სარასენსის" ფიზმომზადების მწვრთნელი გახლდათ. გიორგი "ლელო სარასენსთან" ერთად 4-ჯერ გახდა საქართველოს ჩემპიონი.

Myrugby.Ge მწუხარებას გამოთქვამს მომხდარის გამო და უსამიძმრებს გიორგი ლომთაძის ოჯახს, მეგობრებს და სრულიად ქართულ სარაგბო თემს.