ლუკა ჯაფარიძე ტულუზთან მატჩში დაშავდა და რამდენიმე კვირა გაუცდება

"ბრივის" მარჯვენა ბურჯი ლუკა ჯაფარიძე "ტულუზთან" მატჩში დაშავდა და თამაშს რამდენიმე კვირის განმავლობაში ვერ შეძლებს.

"ტულუზთან" გამართულ შეხვედრაში ჯაფარიძე მოედანზე 48-ე წუთზე შევიდა და აქედან 5 წუთში ტოპ 14-ში სადებიუტო ლელოს გატანა მოახერხა. სამწუხაროდ, შეხვედრის მიწურულს ლუკამ ხელი დაიზიანა, რის გამოც თამაშს დაახლოებით 6-8 კვირის განმავლობაში ვერ შეძლებს და "ბრივს" სეზონის ბოლოსთვის დაუბრუნდება.

22 წლის ჯაფარიძემ წლევანდელ ტოპ 14-ში 15 შეხვედრის ჩატარება მოასწრო და 1 ლელოს გატანა მოახერხა. "ბრივი" კი 19 მატჩის შემდეგ 39 ქულით მეათე ადგილზეა და გასავარდნ საპლეიაუტო ზონას 8 ქულით უსწრებს.