რუსეთი - საქართველოს მატჩს იტალიური სამსაჯო ბრიგადა განსჯის

© Athena Pictures

დღეს ცნობილი გახდა, რომ 2021 წლის რაგბი ევროპის ჩემპიონატის მესამე ტურის მატჩს, რომელშიც 20 მარტს კალინინგრადში ერთმანეთს რუსეთის და საქართველოს ნაკრებები დაუპირისპირდებიან, იტალიური სამსაჯო ბრიგადა მოემსახურება. 

შეხვედრის მთავარი მსაჯი 28 წლის ანდრეა პიარდი იქნება, რომელიც პრო 14-ის და ჩელენჯ თასის მატჩებს ემსახურება. ის უცხო საქართველოს ნაკრებისთვისაც არ გახლავთ, რადგან შემოდგომის ერთა თასზე ირლანდიასთან და ფიჯისთან მატჩებში გვერდითი მსაჯი იყო.

გვერდითი მსაჯები ბოტინო და ფრანკო იქნებიან, ხოლო ტელეეკრანებთან ლიპერინი იმუშავებს.