122-კილოგრამიანი ირლანდიელი ბურჯის ბრწყინვალე ფინტები, რომელმაც სოციალური ქსელი დაიპყრო (VIDEO)

6 ერის მეოთხე ტურის დასკვნით მატჩში შოტლანდიის ნაკრები "მარიფილდზე" ირლანდიას დაუხვდა და 24:27 დამარცხდა.

შეხვედრის 27-ე წუთზე ირლანდიელთა ბურჯმა ტად ფარლონგმა, რომელიც 122 კილოგრამს იწონის, ბურჯისთვის არადამახასიათებელი მოძრაობები და ფინტები შემოგვთავაზა, რითაც გულშემატკივრები აღაფრთოვანა და ამ ეპიზოდმა უმალ სოციალური ქსელების და სხვადასხვა ინტერნეტ გამოცემების ყურადღება მიიპყრო. ფარლონგმა შესანიშნავი მოძრაობებით ჯერ შოტლანდიელთა კვაჭი ჯორჯ თარნერი გააბითურა, შემდეგ კი ფინ რასელი ჩამოიშორა და ზუსტი პასიც გააკეთა.