ლაშა ჯაიანი: "ესპანეთი კარგი გუნდია და ვიცით, რომ ბოლომდე დაიხარჯებიან, რისთვისაც მზად ვართ"

საქართველოს ნაკრების მეორეხაზელმა ლაშა ჯაიანმა, რაგბი ევროპის ჩემპიონატის მეორე ტურის მატჩამდე ერთი დღით ადრე კომენტარი გააკეთა. 

"ბორჯღალოსნების" მორკინალმა აღნიშნა, რომ ესპანეთთან მატჩისთვის მზადებამ კარგად ჩაიარა და მატჩის მზად არიან. 

"ესპანეთთან მატჩისთვის სავარჯიშო კვირამ საკმაოდ ნაყოფიერად ჩაიარა. საკმაოდ რთული სავარჯიშო პერიოდი გვქონდა. პორტუგალიასთან გარკვეული შეცდომების გამოსწორება გვინდოდა და ჩემი აზრით, ეს შევძელით. დღესაც კაპიტნის ვარჯიშმა კარგად ჩაიარა. ბიჭები კარგად გრძნობენ თავს და მზად ვართ ხვალინდელი თამაშისთვის. ესპანეთი საკმაოდ კარგი გუნდია, ხასიათიანი გუნდია, ბოლომდე შემოგვასკდებიან და ბოლომდე დაიხარჯებიან. ეს ჩვენ ვიცით, ამისთვის მზად ვართ და კარგ თამაშს ველოდებით მათთან", - განაცხადა ლაშა ჯაიანმა. 

შეგახსენებთ, რომ ესპანეთის და საქართველოს ნაკრებების მატჩი 14 მარტს თბილისის დროით 15:45 საათზე დაიწყება.