6 ერი: იტალიის მორიგი გამანადგურებელი მარცხი, ამჯერად - უელსთან (+VIDEO)

6 ერის მეოთხე ტურის გახსნით მატჩში იტალიის ნაკრები "სტადო ოლიმპიკოზე" უელსს დაუხვდა და ტურნირზე ზედიზედ 31-ე მარცხი განიცადა. 

მატჩის ბედი საწყის წუთებშივე გადაწყდა: ნახევარი საათის შემდეგ უელსს უკვე ოთხი უპასუხო ლელო ჰქონდა გატანილი და ბონუსი ჰქონდა განაღდებული. ტაიმი 0:27 დასრულდა. "დრაკონებმა" მეორე ნახევარში კიდევ სამი ლელო დადეს, იტალიამ კი 1 პრესტიჟის ლელოს გატანა შეძლო და მატჩი 7:48 დასრულდა.

უელსს ოთხიდან ოთხი მოგება აქვს და 19 ქულით 6 ერის ლიდერია, ხოლო იტალია 0 ქულით ბოლო ადგილზეა.