სიმონ მაისურაძე: "საფრანგეთში 15 წელი ვცხოვრობდი და არ მჯეროდა საქართველოში ასეთი რაღაცეები თუ ხდებოდა"

"მთელი ვერტიკალი იყო ჩვენს წინააღმდეგ ჩართული. 2000 პოლიციელი მოიყვანეს იმისთვის, რომ ეს ადამიანი დაესვათ პრეზიდენტის სკამზე.

აქ დიდი ხნის განმავლობაში არ ვცხოვრობდი. 15 წელი ვიყავი საფრანგეთში და ტელევიზიით ვადევნებდი თვალ-ყურს რაც საქართველოში ხდებოდა და ვფიქრობდი, რომ ალბათ გაბერილია ეს ყველაფერი და ძაან პოლიტიკური თამაშებია, მაგრამ დამიჯერეთ ხალხო, რეალობაა ეს ყველაფერი და ჩვენ შევეჯახეთ ამას. რეალობაა რასაც ლაპარაკობენ, ძაან ცუდ დღეშია საქართველო, ავადაა და მკურნალობა სჭირდება", - ამის შესახებ ვეტერანმა "ბორჯღალოსანმა" სიმონ მაისურაძემ "ტელეკომპანია რუსთავი 2-თან" საუბარში განაცხადა. 

როგორც იცით, დღევანდელ განმეორებით ყრილობაზე რაგბის კავშირის პრეზიდენტად იოსებ ტყემალაძე აირჩიეს. 

ირაკლი აბუსერიძის გუნდი და მომხრეები ამ შედეგებს არ აღიარებენ და ბრძოლის სამართლებრივ ჭრილში გაგრძელებას გეგმავენ. ისინი ლაპარაკობენ ზეწოლის ფაქტზე და ამის შესახებ, "არმიის" პრეზიდენტმა ირაკლი სულთანიშვილმა განაცხადა, რომელმაც გუშინ განაცხადა, რომ თანამდებობის დატოვება მოსთხოვეს და როგორც ცნობილია, მის ნაცვლად დღეს უკვე სხვა დელეგატი იყო მისული.