ლუკა ჯაფარიძემ ტოპ 14-ში სადებიუტო ლელო საფრანგეთის ჩემპიონს გაუტანა (+VIDEO)

ტოპ 14-ის მეთვრამეტე ტურში მოქმედი ჩემპიონი "ტულუზი" საკუთარ მოედანზე "ბრივს" დაუხვდა და 42:17 დაამარცხა.

ბრიველთა რიგებში თადარიგში იყო და მოედანზე 48-ე წუთზე გამოჩნდა მარჯვენა ბურჯი ლუკა ჯაფარიძე, რომელმაც მოედანზე შესვლიდან ხუთ წუთში ლელოს დადება მოახერხა. აღსანიშნავია, რომ 22 წლის ჯაფარიძისთვის ეს იყო სადებიუტო ლელო "ბრივის" რიგებში და შესაბამისად ტოპ 14-ში. ლუკამ მიმდინარე ტოპ 14-ში მე-13 შეხვედრა ჩაატარა. 

"ბრივი" 39 ქულით მეათე ადგილზე იმყოფება და გასავარდნ პლეი-აუტის ზონას 9 ქულით უსწრებს.