განახლებული მსოფლიო რეიტინგი: მცირე ხეირი ბორჯღალოსნებისთვის და რუსეთის ოცეულში დაბრუნება

© Georgian Rugby

შაბათს 2021 წლის რაგბი ევროპის ჩემპიონატის ორი შეხვედრა გაიმართა, რასაც "მსოფლიო რაგბის" რეიტინგში მცირე ცვლილებები მოჰყვა.

რუსეთის ნაკრებმა შინ რუმინეთი დაამარცხა (18:13), რითაც 1.02 ქულა გამოიმუშავა და 63.14 ქულა დააგროვა. შესაბამისად, "დათვებმა" პორტუგალიას გადაუსწრეს, რომელმაც საქართველოსთან საშინაო მარცხის (16:29) გამო 0.31 ქულა დაკარგა და მეოცე ადგილზე გადაინაცვლეს. თავის მხრივ 1.02 ქულა დაკარგა რუმინეთმა, მაგრამ მე-19 პოზიცია შეინარჩუნა.

სარეიტინგო ქულები გამოიმუშავა საქართველოს ნაკრებმაც. "ბორჯღალოსნებმა" პორტუგალიის დამარცხებით 0.31 ქულა მოიხვეჭეს და 72.49 ქულას მოუყარეს თავი. საქართველო მსოფლიო რეიტინგში კვლავ მე-12 ადგილზე იმყოფება.