პორტუგალია - საქართველო 16:29 | მატჩის ყველა ლელო

2021 წლის რაგბი ევროპის ჩემპიონატის პირველი ტურის მატჩში პორტუგალიის ნაკრები ლისაბონში საქართველოს დაუხვდა და 16:29 დამარცხდა. 

პორტუგალიამ პირველი ტაიმი 13:10 მოიგო. სამუელ მარკეშმა მეორე ნახევრის დებიუტში კიდევ ერთი ჯარიმაც გაიტანა, თუმცა ამის შემდეგ სათამაშო ინიციატივა მთლიანად საქართველოს ნაკრებმა გადაიბარა, წნეხი ნელ-ნელა გაზარდა და მოწინააღმდეგე ბოლო 15 წუთში მაინც გატეხა. 

პორტუგალიიდან ერთადერთი ლელო როდრიგო მარტამ დადო, გარდასახვა და სამი ჯარიმა კი სამუელ მარკეშმა გაიტანა, რომელმაც კიდევ 4 ჯარიმა ააცილა. საქართველოს ნაკრებმა 5 ლელო გაიტანა და შესაბამისად, ბონუს ქულა აიღო. ლელოები მირიან მოდებაძემ, ჯაბა ბრეგვაძემ, გიორგი მელიქიძემ, შალვა მამუკაშვილმა და თორნიკე ჯალაღონიამ დადეს. ორი გარდასახვა სოსო მათიაშვილმა გაიტანა. 

"ბორჯღალოსნებმა" ბოლო ლელო გაწითლებულ დროში დადეს, რითაც პორტუგალიამ ნუგეშის ქულა დაკარგა. საქართველომ კი 2021 წლის რაგბი ევროპა და შესაბამისად, მსოფლიო თასის საკვალიფიკაციო ეტაპი, რთული მატჩის მიუხედავად, ხუთი ქულით დაიწყო. 

იხილეთ მატჩის ყველა ლელო. 

პორტუგალიის ნაკრების ლელო 

საქართველოს ნაკრების ლელოები

მირიან მოდებაძის ლელო 

ჯაბა ბრეგვაძის ლელო

გიორგი მელიქიძის ლელო

შალვა მამუკაშვილის ლელო

თორნიკე ჯალაღონიას ლელო