დიდი 10: იუნკერები პლეი-ოფს ძალიან მიუახლოვდა

© გოგიტა ბუხაიძე

დიდი 10-ის გამოტოვებულ მატჩში ავჭალის სტადიონზე ერთმანეთს "იუნკერები" და "ლოკომოტივი" დაუპირისპირდნენ. ეს მატჩი ორივე გუნდისთვის უმნიშვნელოვანესი იყო, რადგან ამ თამაშში დაფიქსირებულ შედეგს დიდწილად უნდა განესაზღვრა, თუ რომელი გუნდი გავიდოდა პლეი-ოფში.

საბოლოო ჯამში, "იუნკერებმა" უკეთ ითამაშეს და სრულიად დამსახურებულად 19:3 იმარჯვეს. მატჩის ერთადერთი ლელო მე-20 წუთზე დევი დევსურაშვილმა დადო, როდესაც 5-მეტრიანთან ჩაქცეული მოლის შემდეგ "იუნკერებმა" ჯარიმის უპირატესობა მიიღეს, ბურთი ფრთაზე გაშალეს და ლელოც დადო, რომელიც რამაზ ხარაზიშვილმა გარდასახა. გარდა ამისა, რამაზმა ოთხი ჯარიმა შეასრულა ზუსტად და ჯამში თავის გუნდს 14 ქულა შესძინა. "ლოკომოტივიდან" ერთადერთი ჯარიმა ბექა წიკლაურმა გაიტანა. მატჩის საუკეთესო მორაგბე კი "იუნკერების" რვა ნომერი გიორგი კურტანიძე გახდა.

ამრიგად, "იუნკერებმა" 26 ქულა დააგროვა და იმ შემთხვევაში თუ ბოლო ტურში აუტსაიდერ "ვეფხვებს" მოუგებს, პლეი-ოფში აუცილებლად გავა, ხოლო "ლოკომოტივს" 23 ქულა გავა და მხოლოდ იმ შემთხვევაში გადავა მოწინავეთა ჯგუფში, თუ თავად "აკადემიას" მოუგებს, ხოლო "ხარები" ან "იუნკერები" წააგებენ.