როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
არგენტინული "ხაგუარესი" ახლო მომავალში, შესაძლოა, პრო 14-ში ვიხილოთ. აღნიშნულ ინფორმაციას სხვადასხვა უცხოური გამოცემები ავრცელებენ.
არგენტინის რაგბის კავშირს პრო 14-თან დაკავშირებით ამბიციური გეგმები აქვს და როგორც ირკვევა, ტურნირის ხელმძღვანელობაც ინტერესდება არგენტინელთა დამატებით. ოღონდაც, პრო 14-ში ჩართვის შემთხვევაში, "ხაგუარესის" საშინაო ადგილი ბუენოს აირესი აღარ იქნება და ევროპაში მოუწევთ გადაბარება - კონკრეტულად კი, ესპანეთის ქალაქ ბილბაოში.
როგორც იცით, პანდემიის დაწყების შემდეგ სუპერ რაგბი დაიშალა: ავსტრალიელებმა და ახალზელანდიელებმა საშინაო პირველობები წამოიწყეს, წელს კი გაერთიანებულ ტრანს-ტასმანის ტურნირს ითამაშებენ, სადაც ხუთ-ხუთი ფრენჩაიზი ეყოლებათ. სამხრეთაფრიკელებმა გეზი ევროპისკენ აიღეს და ოთხი ფრენჩაიზი "სტორმერსი", "შარქსი", "ბულზი" და "ლაიონსი" პრო 14-ს დაემატებიან, ხოლო "საუზერნ კინგსი" და "ჩიტასი" შეჯიბრებას დატოვებენ, რომელიც ახალი სეზონიდან პრო 16 გახდება. როგორც ხედავთ, "სანზაარის" ქვეყნებიდან მხოლოდ არგენტინელთა ფრენჩაიზი დარჩა ჰაერში, მაღალი დონის შეჯიბრების გარეშე.
აქედან გამომდინარე, არგენტინის რაგბის კავშირმა ალტერნატიულ ვარიანტზე დაიწყო მუშაობა და მოლაპარაკებები პრო 14-თან წამოიწყო. იმ შემთხვევაში, თუ პრო 14-ის საბჭო "ხაგუარესის" დამატებას დათანხმდება, ეს უახლოესი ორი წლის განმავლობაში მოხდება. არგენტინელთა სურვილია, რომ ეს რაც შეიძლება სწრაფად მოხდეს, რადგან მათ მაღალი დონის ფრენჩაიზი სჭირდებათ, რომელშიც ნაკრების მორაგბეების უდიდესი ნაწილი ითამაშებს. სუპერ რაგბის დაშლის შემდეგ კი, "ხაგუარესი" თითქმის ყველა წამყვანმა მოთამაშემ დატოვა.
როგორც ცნობილია, პრო 14-ის 28%-იანი წილი კერძო ფირმა CVC-მ შეიძინა, რომელსაც სურს ტურნირის შემდგომი გაფართოება და ისინი მომხრე არიან არგენტინელთა დამატების, რადგან ფიქრობენ, რომ ეს ნაბიჯი ტურნირს მეტ სატელევიზიო შემოსავალს მოუტანს. ირკვევა, რომ გაფართოების მომხრეები არ არიან უელსელთა წარმომადგენლები, რომლებიც მომხრენი არიან, რომ უფრო მეტი ანგლო-საქსური შეხვედრები გაიმართოს.
აღსანიშნავია, რომ ზემოხსენებული კომპანია CVC ინგლისის პრემიერშიპის 27%-იან წილსაც ფლობს და არსებობს შესაძლებლობა, რომ მომავალში, კომერციული თვალსაზრისიდან გამომდინარე, ორივე ტურნირი გაერთიანდეს.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.