დიდი 10: ქუთაისურ დერბიში აიამ არესი ბონუსით დაამარცხა (VIDEO)

© გიორგი კილაძე

დიდი 10-ის "ბ" ჯგუფის მეცხრე ტურში ქუთაისური დერბი გაიმართა, რომელშიც "აიამ" "არესი" ბონუსით 46:17 დაამარცხა და პირველ წრეში განცდილი მარცხისთვის რევანში აიღო.

"აიამ" თანაქალაქელი გუნდი რვაჯერ დაალელოვა, საპასუხოდ კი სამი ლელო მიიღო. დუბლი შეასრულა ლაშა შალიკაშვილმა, ხოლო თითო ლელო ზურაბ ძნელაძის, დავით გასვიანის, იურა კენჭაძის, საბა ხონელიძის, ლაშა გოგიაშვილის და იაგო ხაბულიანის ანგარიშზეა. მატჩის საუკეთესო მორაგბედ სწორედ ეს უკანასკნელი დასახელდა. სტუმართაგან ლელოები ნიკა ძნელაძემ, არჩილ ღონღაძემ და ბექა ვარდანიძის ანგარიშზეა.

"აია" გათამაშებას 38 ქულით დამაჯერებლად ლიდერობს, ხოლო "არესი" 17 ქულით მეოთხე ადგილზეა და მხოლოდ იმ შემთხვევაში გავა პლეი-ოფში, თუ "ყოჩები" "არმაზთან" ქულის გარეშე წააგებს, შემდეგ კი ბოლო ტურში "ყოჩებს" ბონუსით დაამარცხებს.