ცვლილებები ათეულში - როგორ გამოიყურება განახლებული მსოფლიო რეიტინგი?

6 ერის მეორე ტურის მატჩების შემდეგ, "მსოფლიო რაგბის" რეიტინგის მოწინავე ათეულში ცვლილებები მოხდა.

საფრანგეთის ნაკრებმა გასვლაზე ირლანდია დაამარცხა, რითაც 1.11 სარეიტინგო ქულა გამოიმუშავა და მეოთხე პოზიცია გაიმყარა, ხოლო ირლანდიამ ამდენივე ქულა დაკარგა და მეოთხედან ერთი პოზიციით უკან დაქვეითდა: "სამყურებს" ავსტრალიამ გადაუსწრო. 

უელსმა სტუმრად შოტლანდიის ნაკრებს მინიმალური სხვაობით სძლია და 1.52 სარეიტინგო ქულა მოიხვეჭა, რითაც 82.11 ქულა დააგროვა, სწორედ შოტლანდიას გადაუსწრო და მერვედან მეშვიდე საფეხურზე გადაინაცვლა. 

ინგლისის ნაკრებმა იტალია დიდი ანგარიშით დაამარცხა, თუმცა სარეიტინგო პოზიციებში არსებული სხვაობიდან გამომდინარე, ამ მატჩის შედეგს რეიტინგში არაფერი შეუცვლია.