რასინგ 92-მა ლიონი დაამარცხა, გოგიჩაშვილმა ნახევარი საათი ითამაშა (VIDEO)

ტოპ 14-ის მეთექვსმეტე ტურში "რასინგ 92" "პარიზ ლა დეფენს არენაზე" "ლიონს" დაუხვდა და უხვქულიან მატჩში 34:26 აჯობა.

პარიზელებს იოლად არ მოუგიათ. ტაიმი 24:15 დასრულდა, ხოლო 75-ე წუთამდე მხოლოდ ერთი ქულით იყვნენ წინ, შემდეგ კი ფრანსუა ტრენ-დუკმა დადო ლელო, რომელიც ტედი ირიბარენმა გარდასახა და მასპინძლებს გამარჯვება გაუნაღდა. აღსანიშნავია, რომ "ლიონის" რიგებიდან სამი ლელოს გატანა მოახერხა გაფრანგებულმა ფიჯელმა ფრთამ ნოა ნაკაიტასიმ, თუმცა მისმა ჰეთ-თრიკმა ლიონელებს ვერ უშველა. 

"რასინგ 92"-ის რიგებში თადარიგში იყო მარცხენა ბურჯი გურამ გოგიჩაშვილი, რომელიც მინდორზე 50-ე წუთზე გამოჩნდა. მარჯვენა ბურჯ გია ხარაიშვილს ამჯერად არ უთამაშია.