6 ერი: როგორ აფასებენ გუნდების საჩემპიონო შანსებს მეორე ტურის წინ?

ცნობილმა სარაგბო პროგნოზების გამოცემა Rugby Vision-მა, 6 ერის მეორე ტურის წინ, განახლებული საჩემპიონო შანსები შემოგვთავაზა. 

თუ ტურნირის დაწყებამდე, საჩემპიონო ტიტულის მოპოვების მთავარ ფავორიტად ინგლისს მიიჩნევდნენ, შოტლანდიასთან საშინაო მარცხის შემდეგ, ფავორიტის სტატუსი სწორედ "ნარშავებს" მიანიჭეს და მათი შანსები 27.4%-ით შეაფასეს, ხოლო ინგლისმა ამ მხრივ მეორე ადგილზე გადაინაცვლა და მათი გაჩემპიონების ალბათობას ამჟამად 23.6%-ით აფასებენ. მესამე ადგილზეა საფრანგეთი, რომლის ტრიუმფის შანსებიც 20.4%-ით შეაფასეს, შემდეგ მოდის ირლანდია 15.8%-ით, შემდეგ უელსი 12.9%-ით, ხოლო იტალიას ამ მხრივ თეორიულ შანსსაც არ აძლევენ და მხოლოდ ფორმალურად უწერია 0.1%.