პიტერ ო'მაჰონი უელსთან უხეშობისთვის მკაცრად დასაჯეს (+VIDEO)

6 ერის სადისციპლინო კომიტეტმა ირლანდიის ნაკრების მესამეხაზელი პიტერ ო'მაჰონი სამკვირიანი დისკვალიფიკაციით დასაჯა. 

31 წლის მორკინალმა უელსთან წაგებული მატჩის (16:21) მე-13 წუთზე მასპინძელთა ბურჯ ტომას ფრანცისს სახეში იდაყვი ჩაარტყა, რის გამოც წითელიც ბარათით დაისაჯა. სადისციპლინო კომიტეტის აზრით, წითელი ბარათი საკმარისი არ იყო და აღნიშნული ქმედება 6-კვირიანი დისკვალიფიკაციით ისჯება, თუმცა გათვალისწინებული იქნა ის ფაქტი, რომ მოთამაშემ აღიარა დანაშაული, არ გაუპროტესტებია მსაჯის გადაწყვეტილება და უელსელ მორაგბეს ტრავმა არ მიუღია. აქედან გამომდინარე, დისკვალიფიკაციის ვადა განახევრებული იქნა.

ამრიგად, ო'მაჰონი 6 ერის მომდევნო სამ მატჩს გამოტოვებს, რომლებშიც ირლანდია საფრანგეთს, იტალიას და შოტლანდიას დაუპირისპირდება. პიტერს თამაში ბოლო ტურში ინგლისის წინააღმდეგ შეეძლება.