მერაბ შარიქაძე: "მე რაც მითამაშია, რუსეთთან ამაზე მძიმე მატჩებიც გვქონია"

საქართველოს ნაკრების კაპიტანმა მერაბ შარიქაძემ რუსეთთან მოგებული მატჩის (16:7) შემდეგ პრესკონფერენციაზე ისაუბრა. 

27 წლის შუამარბის თქმით, გასაგები მიზეზების გამო რუსეთთან თამაში მათთვის ყოველთვის ძალიან ემოციურია და წნეხის ქვეშ არიან. მერაბმა აღნიშნა, რომ ის ბიჭები, რომლებმაც რუსეთის წინააღმდეგ პირველად ითამაშეს, გასახდელში ამბობდნენ, რომ ასე ინგლისთანაც არ უნერვიულიათ. ის დარწმუნებულია, რომ საქართველოს ნაკრები რუსეთზე ბევრად უკეთესი გუნდია და ბევრად უკეთესი რაგბის თამაში შეუძლიათ, ვიდრე დღეს აჩვენეს. 

იხილეთ პრესკონფერენცია.

"ბორჯღალოსნებმა" რუსეთი ზედიზედ მეცხრამეტედ დაამარცხეს, ხოლო 2020 წლის რაგბი ევროპის ჩემპიონატი ხუთი მოგებით დაასრულეს და ტურნირი მეთორმეტედ მოიგეს.