საქართველო - რუსეთი 16:7 (მატჩის ყველა ქულა)

©  TAMUNAPHOTO 

საქართველოს ნაკრებმა რაგბი ევროპის ჩემპიონატის ბოლო ტურში "მიხეილ მესხზე" რუსეთი დაძაბულ ბრძოლაში დაამარცხა.

პირველი ნახევარი მოსაწყენი გამოდგა და რაგბისთვის უჩვეულო ანგარიშით 0:0 დასრულდა. მეორე ნახევარში კი გუნდებმა თითო ლელო დადეს. "ბორჯღალოსნებიდან" თავი ვასილ ლობჟანიძემ გამოიჩინა, ხოლო სტუმართაგან ბოგდან ფედოტკომ. თუმცა, ქართველთაგან თედო აბჟანდაძემ სამი ჯარიმის გატანაც მოახერხა და საბოლოო ჯამში ლევან მაისაშვილი გუნდმა 16:7 იმარჯვა.

"ბორჯღალოსნებმა" რუსეთი ზედიზედ მეცხრამეტედ დაამარცხეს, ხოლო 2020 წლის რაგბი ევროპის ჩემპიონატი ხუთი მოგებით დაასრულეს და ტურნირი მეთორმეტედ მოიგეს.