გიორგი ჯავახია პრო დ2-ის მეთვრამეტე ტურის სიმბოლურში მოხვდა

ცნობილმა ფრანგულმა სარაგბო გამოცემა "მიდი-ოლიმპიკმა" პრო დ2-ის მეთვრამეტე ტურის სიმბოლური გუნდი გამოაქვეყნა.

კვირის საუკეთესო თხუთმეტეულში ფიგურირებს საქართველოს ნაკრების და "ორიაკის" მეორეხაზელი გიორგი ჯავახია. "ორიაკმა" შაბათს "ოიონა" საკუთარ მოედანზე 22:16 დაამარცხა. ჯავახია ძირითად შემადგენლობაში გახლდათ. მან 33-ე წუთზე მცირე ტრავმა მიიღო და მოედანი დატოვა, თუმცა შვიდ წუთში უკან დაბრუნდა და კიდევ 20 წუთი ითამაშა. ქართველი მხტომელის თამაშს "მიდი-ოლიმპიკმა" მაღალი შეფასება მისცა და ის სიმბოლურ გუნდში შეიყვანა. 

გიორგი ჯავახიას საქართველოს ნაკრების კვართით 4-ჯერ უთამაშია და რუსეთთან 7 თებერვალს გასამართი შეხვედრის გაფართოებულ შემადგენლობაში იმყოფება.