საქართველოს ნაკრების სამწვრთნელო შტაბს ილია მაისურაძე დაემატა

საქართველოს 20-წლამდელთა ნაკრების მთავარი მწვრთნელი ილია მაისურაძე, ეროვნული ნაკრების სამწვრთნელო შტაბს შეუერთდა. 

მაისურაძე გიორგი ჩხაიძესთან ერთად შერკინებას ავარჯიშებს.

"ილია მაისურაძე და გიორგი ჩხაიძე ფუნქციებს გაინაწილებენ და შერკინებასთან ერთობლივად იმუშავებენ. ილია გამოცდილი სპეციალისტია და რაც ძალიან მნიშვნელოვანია, კარგად იცნობს იმ ახალგაზრდა მოთამაშეებს, რომლებიც მრავლად არიან წარმოდგენილი", - განაცხადა ლევან მაისაშვილმა. 

შემოდგომის ერთა თასის მსგავსად, "ბორჯღალოსნების" შეტევის მწვრთნელი ირლანდიელი ნილ დოკი იქნება, ხოლო უკანა ხაზს მაისაშვილის ასისტენტი ბესიკ ხამაშურიძე ავარჯიშებს.