საფრანგეთის ნაკრების გაფართოებული შემადგენლობა იტალიასთან მატჩისთვის ცნობილია

საფრანგეთის ნაკრების მთავარმა მწვრთნელმა ფაბიან გალტიემ 6 ერის პირველი ტურის მატჩისთვის, რომელშიც "ლე ბლე" გასვლაზე იტალიას ეთამაშება, გაფართოებული 31-კაციანი შემადგენლობა დაასახელა.

ფრანგებს თითქმის ერთწლიანი პაუზის შემდეგ დამიან პენო უბრუნდებათ, რომელმაც შემოდგომის ერთა თასი ტრავმის გამო გამოტოვა. "ლე ბლეს" არ ეყოლება მგეზავი რომან ნტამაკი და შუამარბი ვირიმი ვაკატავა, რომლებიც ტრავმირებულნი არიან. 

საფრანგეთის ნაკრები 6 ერისთვის მზადებას ორშაბათიდან ნიცაში შეუდგა. ისინი იტალიას 6 თებერვალს დაუპირისპირდებიან.