ბრივი VS ტულონი - სტად მუნისიპალზე 5 ქართველი მორაგბე ითამაშებს

ტოპ 14-ის მეთხუთმეტე ტურში "ბრივი" "სტად მუნისიპალზე" "ტულონს" უმასპინძლებს. აღნიშნულ მატჩში მონაწილეობას ხუთი ქართველი მორაგბე მიიღებს.

"ბრივის" ძირითად შემადგენლობაში არიან მარჯვენა ბურჯი ლუკა ჯაფარიძე და ჰავბექი ვასილ ლობჟანიძე, ხოლო თადარიგში არიან ასევე მარჯვენა ბურჯი სოსო ბეკოშვილი და მგეზავი თედო აბჟანდაძე. ტულონელთა თადარიგშია საქართველოს ნაკრების მარჯვენა ბურჯი ბექა გიგაშვილი. მატჩი თბილისის დროით 21:15 საათზე დაიწყება.

ზემოხსენებულ მატჩამდე კი, "კლერმონი" "სტად მარსელ მიშელინზე" "ბორდოს" ეთამაშება. ჟირონდელთა თადარიგში მარჯვენა ბურჯის პოზიციაზეა ლექსო ყაულაშვილი. 

ამ მატჩების გარდა, დღეს "ლიონი" - "პოს" შეხვედრა გაიმართება, ხოლო "ბაიონი" - "აჟენი" და "ლა როშელი" - "ტულუზი" ეპიდემიოლოგიური ვითარების გამო გადაიდო.