ესპანეთის ნაკრებმა რაგბი ევროპის ჩემპიონატისთვის ოთხ დებიუტანტს უხმო

ესპანეთის ნაკრების მთავარმა მწვრთნელმა სანტიაგო სანტოსმა რაგბი ევროპის ჩემპიონატის ბოლო ტურის მატჩისთვის, რომელშიც "ლომები" მადრიდში 7 თებერვალს პორტუგალიას უმასპინძლებენ, გაფართოებული შემადგენლობა დაასახელა.

სანტიაგო სანტოსმა პორტუგალიასთან მატჩისთვის ოთხ დებიუტანტს უხმო. ესენი არიან: "ალბის" 31 წლის ბურჯი ბასტიენ დედიუ, "დაქსის" 26 წლის მესამეხაზელი ბრაის ფერერი, "ბარსელონას" 24 წლის არგენტინული წარმოშობის მესამეხაზელი ფაკუნდო დომინგესი და "ბაიონის" 22 წლის შუამარბი მანუელ ორდასი.