კლერმონმა არგენტინის ნაკრების მეორეხაზელი გაიფორმა

არგენტინის ნაკრების მეორეხაზელი ტომას ლავანინი მიმდინარე სეზონის დასრულების შემდეგ "ლესტერ ტაიგერსს" დატოვებს და კარიერას საფრანგეთში, კონკრეტულად კი "კლერმონში" განაგრძობს. აღნიშნული ინფორმაცია ოფიციალურ დონეზე დადასტურდა. 

28 წლის მორკინალმა "ვულკანებთან" ორწლიანი კონტრაქტი გააფორმა და შესაბამისად, "სტად მარსელ-მიშელინზე" 2023 წლის ივნისის ბოლომდე იასპარეზებს.

ლავანინი "ლესტერ ტაიგერსს" 2019 წლის მსოფლიო თასის შემდეგ "ხაგუარესიდან" შეუერთდა და 22 შეხვედრა ჩაატარა. მას არგენტინის ნაკრების რიგებში 52 კეპი აქვს მოხვეჭილი და 2 ლელოს გატანა მოახერხა.