ტულონმა სტად ფრანსე ბონუსით დაამარცხა, გიგაშვილი ზედიზედ მეორედ სიმბოლურში მოხვდა (VIDEO)

ტოპ 14-ის მეცხრამეტე ტურის დასკვნით მატჩში "ტულონი" "სტად მაიოლზე" "სტად ფრანსეს" დაუხვდა და ბონუსით 35:13 სძლია.

მასპინძელი გუნდის ძირითად შემადგენლობაში იყო საქართველოს ნაკრების მარჯვენა ბურჯი ბექა გიგაშვილი, რომელმაც 54-ე წუთამდე ითამაშა, თუმცა იქიდან გამომდინარე, რომ 77-ე წუთზე მის ნაცვლად შესულმა ემერიკ სეტიანომ ყვითელი ბარათი მიიღო, ბექა მინდორზე დაბრუნდა და ბოლო წუთებიც მოედანზე გაატარა. გიგაშვილმა მორიგი შესანიშნავი შეხვედრა ჩაატარა და "მიდი ოლიმპიკის" მიერ შედგენილ ტოპ 14-ის ტურის სიმბოლურში ზედიზედ მეორედ მოხვდა. 

პარიზული კლუბის ძირითად შემადგენლობაში გახლდათ მარცხენა ბურჯი ვასილ კაკოვინი, რომელმაც მინდორზე 61 წუთი გაატარა, ხოლო მარჯვენა ბურჯი გიორგი მელიქიძე თამაშში 56-ე წუთიდან ჩაერთო. აღსანიშნავია, რომ "სტად ფრანსეს" მე-40 წუთზე ნიკოლას სანჩესი წითელი ბარათით გაუძევეს და მთელი მეორე ტაიმის განმავლობაში 14 კაცით იყვნენ.

"ტულონმა" 42 ქულა დააგროვა და მესამე ადგილზე გადაინაცვლა, ხოლო "სტად ფრანსე" 34 ქულით მერვე პოზიციას იკავებს.