ვირიმი ვაკატავა ბორდოსთან მატჩში დაშავდა და 6 ერისთვის საეჭვოა (VIDEO)

ტოპ 14-ის მეცხრამეტე ტურში "რასინგ 92" "პარიზ ლა დეფენს არენაზე" "ბორდოს" დაუხვდა და ზედიზედ მეორე საშინაო მარცხი განიცადა - 32:33. 

შეხვედრის მე-11 წუთზე ერთ-ერთი სათამაშო ეპიზოდში ფეხი ცუდად მოყვა და დაშავდა "რასინგ 92"-ის შუამარბი ვირიმი ვაკატავა. საფრანგეთის ნაკრების ვარსკვლავმა თამაშის გაგრძელება ვერ შეძლო და მის ნაცვლად, მინდორზე საიმონ ზიბო გამოჩნდა. ჯერჯერობით უცნობია, რამდენად შეძლებს ვაკატავა 6 ერის პირველ ტურში თამაშს, რომელშიც საფრანგეთის ნაკრები 6 თებერვალს იტალიას შეერკინება.