ტოპ 14: ტურს მიქაუტაძე გახსნის, შაბათს კიდევ ოთხი ქართველი ითამაშებს

ტოპ 14-ის მეცხრამეტე ტური დღეს იწყება. თბილისის დროით 23:45 საათზე "ლა როშელი" საკუთარ მოედანზე "ბაიონს" ეთამაშება. სტუმარი გუნდის ძირითად შემადგენლობაში იქნება საქართველოს ნაკრების მეორეხაზელი კონსტანტინე მიქაუტაძე.

შაბათს ოთხი შეხვედრა გაიმართება, რომელთაგან ქართველ მორაგბეებს ორ მატჩში ვიხილავთ. 18:15 საათზე "რასინგ 92" "პარიზ ლა დეფენს არენაზე" "ბორდოს" დაუხვდება. პარიზელთა მარქაფაშია მარცხენა ბურჯი გურამ გოგიჩაშვილი, ამავე პოზიციაზე ჟირონდელთა თადარიგშია ლექსო ყაულაშვილი.

21:15 საათზე "მონპელიე" - "ლიონის" დაპირისპირდება დაიწყება. მასპინძელი გუნდის ძირითად შემადგენლობაში იქნება მარცხენა ბურჯი მიხეილ ნარიაშვილი, ხოლო მარჯვენა ბურჯი ლევან ჩილაჩავა თამაშში შეცვლიდან ჩაერთვება. 

კვირას "პო" საკუთარ მოედანზე "ბრივს" ეთამაშება და სტუმართა რიგებში, სავარაუდოდ, რამდენიმე ქართველს ვიხილავთ. ასევე ჩვენებურების მოლოდინში ვართ, ტურის დასკვნით მატჩში, რომელშიც "ტულონი" შინ "სტად ფრანსეს" ეთამაშება.