დიდი 10: არესმა გასვლაზე ჯიქი დაამარცხა

© გოგიტა ბუხაიძე

დღეს დიდი 10-ის 2020/2021 წლების სეზონის მეორე წრემ აიღო სტარტი. "ბ" ჯგუფში ერთმანეთს გორის "ჯიქი" და ქუთაისის "არესი" დაუპირისპირდნენ.

პირველ ტაიმში ლელოები არ გასულა. ქუთაისელთაგან ორი ჯარიმა ბონდო აბაშიძემ გაიტანა, გორელთაგან კი ერთი ჯარიმა საბა ნიკოლავამ გაიტანა და ტაიმი 3:6 დასრულდა.

მეორე ნახევარში კი ქუთაისელებმა სამი ლელოს დადება მოახერხეს, რომელთა ავტორები ამირან შვანგირაძე, მიხეილ მასხარაშვილი და ბადრი დანგაძე არიან, ხოლო გორელთაგან ერთი ლელოს დადება ალექსანდრე მინდიაშვილმა შეძლო - 10:23.