ტოპ 14-ის გადადებულ მატჩებში, შაბათს, ორ ბორჯღალოსანს ვიხილავთ

შაბათს ტოპ 14-ის ორი გამოტოვებული შეხვედრა გაიმართება.

მეოთხე ტურის გამოტოვებულ შეხვედრაში "ბორდოს" "სტად შაბან-დელმაზე" "კლერმონს" ეთამაშება. ჟირონდული კლუბის მარქაფაშია ლექსო ყაულაშვილი, რომელიც მარცხენა ბურჯის პოზიციაზე შევა. მეორე ქართველი ბურჯი ლაშა ტაბიძე განაცხადში არაა, ხოლო მესამეხაზელი ბექა გორგაძე, როგორც იცით, მიმდინარე სეზონში ტრავმის გამო ვეღარ ითამაშებს.

"ბაიონი", რომელმაც ეპიდემიოლოგიური ვითარების გამო უკანასკნელად 20 დეკემბერს ითამაშა, მეცამეტე ტურის შეხვედრაში საკუთარ მოედანზე "პოს" ეთამაშება. მასპინძელი გუნდის თადარიგშია საქართველოს ნაკრების მეორეხაზელი კონსტანტინე მიქაუტაძე.

გეტყვით, რომ კვირას კიდევ ორი გამოტოვებული ჯახი შედგება: "მონპელიე" შინ "კასტრს" ხვდება, ხოლო "რასინგ 92" საკუთარ კედლებში "ტულონს" მიიღებს.