ვეფხვები: "არაერთი დაპირების მიუხედავად, ინფრასტრუქტურა კვლავ რჩება გადაუჭრელ პრობლემად"

ფოტო - პატარძეულელებს ვარჯიში ამჯერად ვაზისუბანში, "არმაზის" ბაზაზე მოუწიათ. 

რამდენიმე წუთის პატარძეულის "ვეფხვებმა" სოციალურ ქსელში დღევანდელი ვარჯიშის ფოტოები დადო.

აღსანიშნავია, რომ კახელები მშობლიური პატარძეულის ნაცვლად, თბილისში ვაზისუბანში არსებულ "არმაზის" სარაგბო ბაზაზე ვარჯიშობენ, რომელიც დაქირავებული აქვთ. ამის მიზეზი კი კვლავ ინფრასტრუქტული პრობლემებია, რომელიც დიდი ხანია არსებობს. როგორც იცით, "ვეფხვების" სტადიონი დიდი 10-ის სტანდარტებს ვერ აკმაყოფილებს და ამის გამო, მათ საშინაო მატჩების ჩატარება სხვადასხვა ლოკაციებზე უწევთ.

პატარძეულელები წერენ, რომ მათ არაერთი დაპირება მიიღეს, თუმცა ინფრასტრუქტურა კვლავ გადაუჭრელ პრობლემად რჩება. ისინი პოსტის ბოლოში საქართველოს რეგიონული განვითარებისა და ინფრასტრუქტურის სამინისტროს და საგარეჯოს მუნიციპალიტეტის მერიას მიმართვენ. 

"ვეფხვების" #მომთაბარეობა გრძელდება, შემდეგი დროებითი "თავშესაფარი" ვაზისუბანში არსებული არმაზის ბაზაა, სადაც პატარძეულელები "ხარებთან" გასამართი მატჩისთვის ემზადებიან.