ანტუან დუპონის მორიგი ბრწყინვალე მატჩი - შესანიშნავი სალელოვე გადაცემა და ლელო (VIDEO)

ტოპ 14-ის მეთოთხმეტე ტურის დასკვნით მატჩში "ტულუზმა" საკუთარ კედლებში "სტად ფრანსე" მიიღო და 48:24 აჯობა.

მასპინძელთა რიგებიდან კიდევ ერთხელ გაიბრწყინა საფრანგეთის ნაკრების ჰავბექმა ანტუან დუპონმა, რომელმაც 50-ე წუთზე შესანიშნავი სალელოვე გადაცემა მიითვალა. ტომა რამოსმა საკუთარი 22-დან მოედნის ცენტრში დაარტყა ბურთი, რომელიც ისე ახტა, რომ ახალგაზრდა ცხრიანს ჩაუვარდა ხელში, ამ უკანასკნელმა კი წამიერად აუღო შექმნილ ვითარებას ალღო, უმალ მაქსიმ ლებელის გაუშვა ბურთი და თანაგუნდელს დუბლი შეასრულებინა. გარდა ამისა, დუპონმა მე-20 წუთზე ლელოს გატანაც მოახერხა, როდესაც სოფიან გიტუნს დაუფასა კარგი თამაში, ბოლომდე მიჰყვა და მეტოქის ლელოც აიღო.