ისტორიული ფაქტი - ჩელენჯ თასის მესამე ტურში ორი ქალბატონი იმსაჯებს

2020/2021 წლების ჩელენჯ თასის ჯგუფური ეტაპის მესამე ტურში, რომელიც 15-16 იანვარს შედგება, ისტორიული იქნება იმ კუთხით, რომ პირველად ევროთასების ისტორიაში ორი ქალბატონი იმსაჯებს.

ჩელენჯ თასზე აქამდე მხოლოდ ერთ ქალ არბიტრს ჯოი ნევილს უმსაჯია, ახლა კი მას ერთბაშად ორი ქალბატონი შეემატება. 15 იანვარს ფრანგული "აჟენი" საკუთარ მოედანზე იტალიურ "ბენეტონს" დაუხვდება. მთავარი მსაჯი 30 წლის ინგლისელი სარა კოქსი იქნება, რომელიც ქართველი გულშემატკივრებისთვის ნაცნობი უნდა იყოს, რადგან 2019 წელს კონტინენტის ფარის მატჩში თბილისში "ლოკომოტივი" - "ფიამე ორო რომას" მატჩი განსაჯა. კოქსს განვლილ სეზონში პრემიერშიპში მსაჯობაც ანდეს, ოღონდ გვერდითი მსაჯის როლში.

16 იანვარს ინგლისური "ნიუკასლ ფალკონი" შინ ფრანგულ "კასტრს" ეთამაშება. ამ მატჩს 27 წლის შოტლანდიელი ქალბატონი ჰოლი დევიდსონი განსჯის. მას უმსაჯია 7-კაცა მსოფლიო თასზე, ქალთა 6 ერზე, 7-ქალას მსოფლიო სერიებზე, რაგბი ევროპაზე და სხვა ტურნირებზე.